*Nýtt tungl 6.Mars 2016*

moon3

Nýtt tungl 6.Mars 2016
Páskatungl

Kvennaathöfn á Nýju tungli í Móðurhofi á Stokkseyri!

Sunnudaginn 6.Mars fögnum við Nýju tungli í Móðurhofi.

Á nýju Páskatungli færumst við nær Vorjafndægrum. Við finnum að daginn er tekið að lengja. Birtan læðist til okkar og gefur von um líf og vor. Ljósið og óskirnar okkar öðlast meira líf með hverjum deginum. Á þessu Nýja tungli heilum við og nærum fræið hið innra. Fræið sem er von um betri heim, lífsneistinn sem fyllir okkur að vori. Við nærum Gyðjuna sem býr innra með hverri konu. Finnum að með von og ósk er hægt að tendra líf í hverju fræi.
Við hreinsum, hugleiðum, óskum okkur og nærum Gyðjuorkuna.

Þemaið er Gult, því eru kertin og klæðin í gulum lit.
Kubbakerti sem geta staðið sjálf – og ekki hefur verið kveikt á áður.
Það er líka upplagt að vera í Gulum, hvítum eða gylltum klæðum eða með slæðu sem hægt er að vefja um sig.
Einnig er gott að koma með púða og teppi til að þetta verði sem notalegast hjá okkur.

Töfraljós – Töfrakerti
Ég er komin í samstarf við yndislega töfrakonu Helgu Elínborgu Auðunsdóttur. Hún á lítið fyrirtæki sem heitir Töfraljós á Selfossi og býr til yndisleg Töfrakerti. Hún mun útbúa sérstök Gul kerti að þessu tilefni. Ef þú vilt hafa kertið þitt handunnið af kærleika af henni Helgu þá getur þú látið mig vita og kertið þitt býður eftir þér í Móðurhofi við athöfnina. Kertin kosta 2500 kr.

Á Nýju tungli sameinast konur í Móðurhofi, og biðja fyrir sér og heiminum öllum.
Í heilögum takti við Tunglorkuna og Töfra alheimsins sameinumst við í heilun og vekjum upp hinn helga kvennkraft sem býr innra með hverri konu.

Allar konur hjartanlega velkomnar!

Eftir athöfnina verður boðið uppá heitt te – og allir koma með eitthvað nasl til að deila.

Mæting í Móðurhof kl 16:30. Athöfnin byrjar kl 17:00!

Það er mikilvægt að skrá sig á [email protected] eða í síma 696-5867.
Einungis 6 pláss í boði – því er betra að skrá sig sem fyrst til að halda sínu plássi.

Það kostar 3000 kr að vera með!

Athöfnin fer fram í Móðurhofi að Eyrarbraut 47 á Stokkseyri.

~Móðurhof~
Úní Arndísar
www.uni.is
[email protected]
s.696-5867