~Sjafnartungl 28.maí 2017~

~Sjafnartungl 28.maí 2017~

Gyðjuathöfn á Nýju tungli í Móðurhofi á Stokkseyri

Sunnudaginn 28.Maí fögnum við Nýju tungli í Móðurhofi.
Þetta er seinasta Tunglathöfnin á Stokkseyri – þar sem Móðurhofið undirbýr nú flutninga.

Á Nýju Sjafnartungli nærum við ástina og sjálfskærleikann. Við nærum hjartað okkar og þiggjum heilun. Sjafnartunglið er bleikt og er tungl ástarinnar.
Gyðjan Sjöfn er ástargyðjan sem kennir okkur að elska og vera elskaðar. Við fræðumst um ástargyðjuna og hittum hana fyrir í hugleiðslu. Hver veit hvað hjartað okkar og ástargyðjan hefur að færa okkur á Nýju tungli.
Við hreinsum, hugleiðum, óskum okkur og nærum Gyðjuorkuna.

Þemaið er Bleikt, því eru kertin og klæðin í bleikum lit, og hver og ein kemur líka með eina bleika rós.
Það er líka upplagt að vera í bleikum eða hvítum klæðum eða með slæðu sem hægt er að vefja um sig.
Einnig er gott að koma með púða og teppi til að þetta verði sem notalegast hjá okkur.

Töfraljós – Töfrakerti
Helga í Töfraljósi mun útbúa sérstök bleik kerti að þessu tilefni. Ef þú vilt hafa kertið þitt handunnið af kærleika af henni Helgu þá getur þú látið mig vita og kertið þitt býður eftir þér í Móðurhofi við athöfnina. Kertin kosta 2500 kr.

Á Nýju tungli sameinast konur í Móðurhofi, og biðja fyrir sér og heiminum öllum.
Í heilögum takti við Tunglorkuna og Töfra alheimsins sameinumst við í heilun og vekjum upp hinn helga kvenkraft sem býr innra með hverri konu.

Allar konur hjartanlega velkomnar!

Eftir athöfnina verður boðið uppá heitt te – og allir koma með eitthvað nasl til að deila.

Mæting í Móðurhof kl 16:30. Athöfnin byrjar kl 17:00!

Það er mikilvægt að skrá sig á [email protected] eða í síma 696-5867.

Það kostar 3000 kr að vera með.

Athöfnin fer fram í Móðurhofi að Eyrarbraut 47 á Stokkseyri.

Unnur Arndísar seiðkona hefur seinustu 7 árin haldið athafnir á  Nýju tungli. Þar sem konur koma saman og fræðast um tunglorkuna og hinn helga kvenkraft.
Unnur tengir saman mismunandi hefðir í athöfnum sínum. Hún hefur lært og numið frá Indjánum Norður Ameríku, Yogahefðir austursins og hefur hún einnig tileinkað líf sitt gyðjunni og sór eið sem systir Avalon.
Unnur hefur þróað Íslenskar jarðarathafnir í tengslum við Norræna Árstíðarhjólið, þar sem hún beinir augum okkar að gyðjunni og hvernig hún birtist í Móður Náttúru allt í kringum okkur.

 

~Móðurhof~
Úní Arndísar
www.uni.is
[email protected]
s.696-5867