*Sjafnartungl 6.Maí 2016*

Bleik rós

Sjafnartungl 6.maí 2016

Systrahringur á Nýju tungli í Móðurhofi á Stokkseyri!

Föstudaginn 6.Maí fögnum við Nýju tungli í Móðurhofi.
Á Nýju Sjafnartungli nærum við ástina og sjálfskærleikann. Við nærum hjartað okkar og þiggjum heilun. Sjafnartunglið er bleikt og er tungl ástarinnar.
Gyðjan Sjöfn er ástargyðjan sem kennir okkur að elska og vera elskaðar. Við fræðumst um ástargyðjuna og hittum hana fyrir í hugleiðslu. Hver veit hvað hjartað okkar og ástargyðjan Sjöfn hefur að færa okkur á Nýju tungli.
Við hreinsum, hugleiðum, óskum okkur og nærum Gyðjuorkuna.

Þemaið er Bleikt, því eru kertin og klæðin í bleikum lit, og hver og ein kemur líka með eina bleika rós. Það er líka upplagt að vera í bleikum eða hvítum klæðum eða með slæðu sem hægt er að vefja um sig.
Einnig er gott að koma með púða og teppi til að þetta verði sem notalegast hjá okkur.

Töfraljós – Töfrakerti
Ég er komin í samstarf við yndislega töfrakonu Helgu Elínborgu Auðunsdóttur. Hún á lítið fyrirtæki sem heitir Töfraljós á Selfossi og býr til yndisleg Töfrakerti. Hún mun útbúa sérstök Bleik kerti að þessu tilefni. Ef þú vilt hafa kertið þitt handunnið af kærleika af henni Helgu þá getur þú látið mig vita og kertið þitt býður eftir þér í Móðurhofi við athöfnina. Kertin kosta 2000 kr.

Á Nýju tungli sameinast konur í Móðurhofi, og biðja fyrir sér og heiminum öllum.
Í heilögum takti við Tunglorkuna og Töfra alheimsins sameinumst við í heilun og vekjum upp hinn helga kvennkraft sem býr innra með hverri konu.

Allar konur hjartanlega velkomnar!

Eftir athöfnina verður boðið uppá heitt te – og allir koma með eitthvað nasl til að deila.

Mæting í Móðurhof kl 19:30. Athöfnin byrjar kl 20:00!

Það er mikilvægt að skrá sig á [email protected] eða í síma 696-5867.
Einungis 6 pláss í boði – því er betra að skrá sig sem fyrst til að halda sínu plássi.

Það kostar 3000 kr að vera með!

Athöfnin fer fram í Móðurhofi að Eyrarbraut 47 á Stokkseyri.

uniatwork2-72

~Móðurhof~
Úní Arndísar
www.uni.is
[email protected]
s.696-5867

 

Posted in: Uni