*Sólartungl 5.júní*

Sumarhátíð

Sólartungl 5.júní 2016

Systrahringur á Nýju tungli í Móðurhofi á Stokkseyri!

Sunnudaginn 5.júní fögnum við Nýju tungli í Móðurhofi.

Í þetta sinn heiðrum við Gyðjuna Sól. Sól er lífskrafturinn og neistinn innra með okkur öllum. Hún færir líf og hvetur okkur til að lifa lífinu til fullnustu. Umvefjandi kraftur hennar birtist í sköpun okkar og ljósi. Hún opnar augu okkar fyrir fegurð lífsins og fegurðarinnar sem býr innra með okkur. Sumarið er tíminn til að njóta lífsins og veru okkur á jörðinni. Á Nýju tungli í Móðurhofi þann 5.júní fögnum við Gyðjunni Sól.

Við munum óska okkur, dansa og fagna sumrinu, og ef veður leyfir kveikjum við sumarbál til heiðurs Sólar. Við endum svo fögnuðinn á að deila saman allsnægtum sumarsins.

Allar konur hjartanlega velkomnar!

Þar sem nú er sumar og við fögnum sumri er um að gera að koma í litríkum sumarfötum, og með slæður til að vefja sig í dansi og gleði. Einnig að koma með hlý föt eftir veðri.

Að loknum dansi munum við fagna með því að deila saman allsnægtum, og allir koma með eitthvað til að deila. Endilega komið með sumarlegar veigar og snarl, boðið verður uppá Gyðju-sumardrykk og te í Móðurhofi.

Þemaið er Rautt, því eru kertin í rauðum lit.
Einnig er gott að koma með púða og teppi til að þetta verði sem notalegast hjá okkur.

Á Nýju tungli sameinast konur í Móðurhofi, og biðja fyrir sér og heiminum öllum.
Í heilögum takti við Tunglorkuna og Töfra alheimsins sameinumst við í heilun og vekjum upp hinn helga kvennkraft sem býr innra með hverri konu.

Allar konur hjartanlega velkomnar!

-Mæting í Móðurhof kl 14:30. Athöfnin byrjar kl 15:00-

Það er mikilvægt að skrá sig á [email protected] eða í síma 696-5867.

Það kostar 3000 kr að vera með!

Athöfnin fer fram í Móðurhofi að Eyrarbraut 47 á Stokkseyri.

utiHring3-72

~Móðurhof~
Úní Arndísar
www.uni.is
[email protected]
s.696-5867